នាល្ងាចថ្ងៃទី១៧ ខែមីនា ឆ្នាំ២០២១ នេះ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបង្ហាញសារនៅលើគេហទំព័រហ្វេសប៊ុករបស់លោកតំណាងដល់សមាជិក សមាជិកា ស.ស.យ.ក. ទូទាំងប្រទេស ដើម្បីសម្តែងនូវសេចក្តីដឹងគុណ និងការគោរពដ៏ខ្ពង់ខ្ពស់ចំពោះរាជរដ្ឋាភិបាល ក្នុងបេសកកម្មប្រយុទ្ធនឹងការរីករាលដាលជំងឺកូវីដ១៩ ប្រកបដោយសមត្ថភាព និងភាពទទួលខុសត្រូវខ្ពស់។ ជាងនេះទៅទៀត លោកបានបន្ថែមផងដែរថា “កត្តាជោគជ័យចុងក្រោយគឺចេញពីកិច្ចសហការ ការគាំទ្រ និងការចូលរួមពីប្រជាពលរដ្ឋ។” ការចូលរួមរបស់ប្រជាពលរដ្ឋ ពិតជាមានសារៈសំខាន់ហើយការលំបាកដែលកម្ពុជាជម្នះបានកន្លងមកមិនថាការរំដោះជាតិចេញពីរបបប្រល័យពូជសាសន៍ ឬការបញ្ចប់ព្រឹត្តិការណ៍សហគមន៍នៃការរីករាលដាលជំងឺកូវីដ១៩ នៅកម្ពុជាកន្លងមក សុទ្ធតែមានភាគហ៊ុនធំរបស់ប្រជាពលរដ្ឋដែលបានចូលរួម។
ខាងក្រោមនេះជាខ្លឹមសារទាំងស្រុងដែលដកស្រង់ចេញពីគេហទំព័រផ្លូវការរបស់ ឯកឧត្តម ហ៊ុន ម៉ានី៖
ស.ស.យ.ក. ជឿជាក់លើព្រះរាជាណាចក្រកម្ពុជា
ជាងគ្រាណាៗទាំងអស់ ពេលនេះគឺ ជាពេលដែលយើងត្រូវរួបរួមគ្នាដើម្បីយកឈ្នះលើការយាយីរបស់ជំងឺកូវីដ ១៩ ដែលបានប៉ះពាល់ទាំងលើសុខភាពសាធារណៈ និងសេដ្ឋកិច្ច។
ក្រុមគ្រួសារ ស.ស.យ.ក.សូមសម្តែងនូវសេចក្តីដឹងគុណ និងការគោរពដ៏ខ្ពង់ខ្ពស់ចំពោះ៖
រាជរដ្ឋាភិបាលកម្ពុជា ចំពោះការដឹកនាំដ៏ម៉ឺងម៉ាត់ក្នុងការគ្រប់គ្រងវិបត្តិមកដល់ពេលនេះ។ លទ្ធផលជាក់ស្តែងក្នុងនោះករណីឆ្លងសរុប ១,៥០៥-ជាសះស្បើយ ៨៤០នាក់-កំពុងសម្រាកព្យាបាល៦៦២នាក់-ស្លាប់១នាក់ បានបង្ហាញពីសមត្ថភាពរបស់កម្ពុជាក្នុងការប្រយុទ្ធប្រឆាំងកូវីដ១៩នេះបើប្រៀបធៀបនឹងប្រទេសដទៃលើសកលលោក។ ទោះយ៉ាងណាក្តីរាជរដ្ឋាភិបាលកំពុងយកចិត្តទុកដាក់តាមដានការគ្រប់គ្រងស្ថានការណ៍ក្នុងព្រឹត្តិការណ៍សហគមន៍ ២០កុម្ភៈ។ម្យ៉ាងវិញទៀតយើងគួរគត់សម្គាល់លើការដឹកនាំដោយទទួលខុសត្រូវខ្ពស់និងមានការថ្លឹងថ្លែងច្បាស់លាស់រវាងផលប៉ះពាល់លើសុខភាពសាធារណៈ និង ផលប៉ះពាល់លើសេដ្ឋកិច្ច ដែលភាពស្មុគស្មាញនេះទទួលការតាមដានជាប្រចាំពីសំណាក់សម្តេចនាយករដ្ឋមន្រ្តីនិងគណៈរដ្ឋមន្ត្រី។
អ្នកបម្រើការនៅសមរភូមិមុខ ថ្នាក់ដឹកនាំក្រសួង មន្រ្តីរាជការ អាជ្ញាធរ ភ្នាក់ងារអនុវត្តច្បាប់ ជាពិសេស វេជ្ជបណ្ឌិត អ្នកស្ម័គ្រចិត្ត ក្រុមការងារតាមដាន contact tracing ដែលបានខិតខំប្រឹងប្រែងអស់ពីសមត្ថភាព ដើម្បីទប់ទល់ និងគ្រប់គ្រងការឆ្លងរាលដាលតាំងពីដើមរហូតមក។ ប្រសិនបើគ្មានពួកគាត់ទាំងអស់គ្នាទេ យើងមិនអាចស្ងប់អារម្មណ៍បានទេ (រួមទាំងអ្នកខ្លះដែលស្រណុកចិត្តខ្លាំងពេករហូតដល់ភ្លេចអំពីហានិភ័យ) ដែលជាការលះបង់ដើម្បីសុវត្ថិភាពរបស់ពួកយើង។ កត្តាជោគជ័យចុងក្រោយគឺចេញពីកិច្ចសហការ ការគាំទ្រ និងការចូលរួមពីប្រជាពលរដ្ឋ។ នេះជាបទពិសោធន៍កម្ពុជាដែលទទួលបានជោគជ័យក្នុងការគ្រប់គ្រងវិបត្តិកូវីដ ១៩ និងការដឹកនាំប្រទេសរបស់រាជរដ្ឋាភិបាលតាំងពីថ្ងៃ៧មករា១៩៧៩មកដល់បច្ចុប្បន្ន។
ទោះជាយ៉ាងក្តី ហានិភ័យខ្ពស់នៅតែបន្តមាន ជាពិសេសចំពោះព្រឹត្តិការណ៍សហគមន៍ ២០កុម្ភៈកន្លងទៅថ្មីៗនេះ។ សូមបងប្អូនចូលរួម ធ្វើអ្វីដែលអ្នកអាចធ្វើជាមួយក្រុមការងាររបស់យើងដែលនៅជួរមុខ ដើម្បីយើងអាចឆ្លងផុតជាមួយគ្នា ដោយអនុវត្តវិធានសុខាភិបាល ៣កុំ និង៣ការពារ។
សូមជម្រាបផងដែរថា សមាជិក សមាជិកា ស.ស.យ.ក. ទូទាំងប្រទេសបានបន្តចូលរួមយ៉ាងសស្រាក់សស្រាំ ក្នុងយុទ្ធនាការប្រយុទ្ធប្រឆាំងជាមួយការរីករាលដាលនៃជំងឺកូវីដ១៩ ដែលបានអនុវត្តកាលឆ្នាំ២០២០រហូតមកដល់ពេលនេះ។ ដោយសារការរីករាលដាលនេះនៅតែបន្ត សហភាពសហព័ន្ធយុវជនកម្ពុជា បានចេញសេចក្តីណែនាំកាលពីថ្ងៃទី១៦ ខែមីនា ឆ្នាំ២០២១ ម្សិលមិញនេះ សារជាថ្មី ជូនសមាជិក សមាជិការបស់ខ្លួនដើម្បីបន្តយុទ្ធនាការផ្សព្វផ្សាយ អប់រំ នេះជាបន្តទៀត។
សូមជម្រាបផងដែរថា សមាជិក សមាជិកា ស.ស.យ.ក. ទូទាំងប្រទេសបានបន្តចូលរួមយ៉ាងសស្រាក់សស្រាំ ក្នុងយុទ្ធនាការប្រយុទ្ធប្រឆាំងជាមួយការរីករាលដាលនៃជំងឺកូវីដ១៩ ដែលបានអនុវត្តកាលឆ្នាំ២០២០រហូតមកដល់ពេលនេះ។ ដោយសារការរីករាលដាលនេះនៅតែបន្ត សហភាពសហព័ន្ធយុវជនកម្ពុជា បានចេញសេចក្តីណែនាំកាលពីថ្ងៃទី១៦ ខែមីនា ឆ្នាំ២០២១ ម្សិលមិញនេះ សារជាថ្មី ជូនសមាជិក សមាជិការបស់ខ្លួនដើម្បីបន្តយុទ្ធនាការផ្សព្វផ្សាយ អប់រំ នេះជាបន្តទៀត។
![May be an image of one or more people and people standing](https://scontent.fpnh3-1.fna.fbcdn.net/v/t1.0-9/162061141_3822692681158790_907545513456514058_n.jpg?_nc_cat=109&ccb=1-3&_nc_sid=8bfeb9&_nc_ohc=zNkP3NAWdX0AX9jCB5i&_nc_ht=scontent.fpnh3-1.fna&oh=9ebee0b194ac34b313a280bac66bc957&oe=607714D0)
![May be an image of indoor](https://scontent.fpnh3-1.fna.fbcdn.net/v/t1.0-9/161858651_3822692931158765_6389963452713114484_n.jpg?_nc_cat=102&ccb=1-3&_nc_sid=8bfeb9&_nc_ohc=eLgqpb_mwWAAX_0CVGX&_nc_ht=scontent.fpnh3-1.fna&oh=3f9b01793473b939f1aa71156d11e62f&oe=6075DC78)
![May be an image of outdoors](https://scontent.fpnh3-1.fna.fbcdn.net/v/t1.0-9/161865976_3822692854492106_5089890547211119741_n.jpg?_nc_cat=111&ccb=1-3&_nc_sid=8bfeb9&_nc_ohc=IsPYad593dUAX8Vl-MB&_nc_ht=scontent.fpnh3-1.fna&oh=937306c4df10b8ba598c0c9ebea142f0&oe=607957D3)
![No photo description available.](https://scontent.fpnh3-1.fna.fbcdn.net/v/t1.0-9/159376785_4454827881199600_7457303468865675995_o.jpg?_nc_cat=109&ccb=1-3&_nc_sid=8bfeb9&_nc_ohc=wdcnJFsJDhcAX_dJvti&_nc_ht=scontent.fpnh3-1.fna&oh=8ce41d5cfc6a9eddad5413af987e0f93&oe=6076A058)
![May be an image of one or more people, motorcycle and outdoors](https://scontent.fpnh3-1.fna.fbcdn.net/v/t1.0-9/160932119_4452817734733948_6951555319558676907_o.jpg?_nc_cat=103&ccb=1-3&_nc_sid=730e14&_nc_ohc=hi9I5wrpLWcAX-E3z2m&_nc_ht=scontent.fpnh3-1.fna&oh=4774cb3fb7f6f2344aa47b24d8b850e9&oe=60774E96)
![May be an image of one or more people, people standing and outdoors](https://scontent.fpnh3-1.fna.fbcdn.net/v/t1.0-9/160662495_4452818051400583_2009758105123933428_n.jpg?_nc_cat=108&ccb=1-3&_nc_sid=730e14&_nc_ohc=fs6jKMSw8qwAX-fM2H1&_nc_ht=scontent.fpnh3-1.fna&oh=899ec7eab91b710239f1e55750ba6caa&oe=6077FE13)
![May be an image of one or more people, people standing and outdoors](https://scontent.fpnh3-1.fna.fbcdn.net/v/t1.0-9/160143791_3783929788351445_7818973085071779010_o.jpg?_nc_cat=102&ccb=1-3&_nc_sid=8bfeb9&_nc_ohc=az3JjiHJENsAX-GHY66&_nc_ht=scontent.fpnh3-1.fna&oh=301f2eb2455c44557722a99a9c04c1ab&oe=60766791)
![May be an image of one or more people, people standing, motorcycle and outdoors](https://scontent.fpnh3-1.fna.fbcdn.net/v/t1.0-9/157830649_4439316772750711_5278743816601180524_o.jpg?_nc_cat=105&ccb=1-3&_nc_sid=730e14&_nc_ohc=XqgJlNpvU8IAX-0bTOB&_nc_ht=scontent.fpnh3-1.fna&oh=bc52b170fd71c8b3cd799b0832a50e4e&oe=60770A6E)