សកម្មភាព

គិតត្រឹមថ្ងៃទី៨ ខែតុលា ឆ្នាំ២០២០ អ្នកសង្កេតការណ៍របស់ ស.ស.យ.ក. សរុបចំនួន ១៤៥៨ នាក់ នៅខេត្តចំនួន១៧ បានទទួលសេចក្តីសម្រេចអនុញ្ញាតពី គ.ជ.ប និងកំពុងបំពេញសកម្មភាពសង្កេតការណ៍ក្នុងមូលដ្ឋានរបស់ខ្លួនយ៉ាងសកម្ម ខណៈរាជធានី-ខេត្តផ្សេងទៀតកំពុងរៀបចំនីតិវិធីស្នើសុំ និងរង់ចាំសេចក្តីសម្រេចជាបន្តបន្ទាប់។​​ ​ផ្តើមចេញពីមនសិការនៃភាពជាគំរូរបស់យុវជន ក្នុងការចូលរួមធានាដំណើរការលទ្ធិប្រជាធិបតេយ្យនៅកម្ពុជា សហភាពសហព័ន្ធយុវជនកម្ពុជា បានចូលរួមចំណែកជាមួយគណៈកម្មាធិការជាតិរៀបចំបោះឆ្នោត (គ.ជ.ប.) ក្នុងដំណើរការសង្កេតការណ៍ការពិនិត្យបញ្ជីឈ្មោះបោះឆ្នោត និងការចុះឈ្មោះបោះឆ្នោតឆ្នាំ២០២០ តាមរយៈយុទ្ធនាការពលរដ្ឋល្អ។ អានបន្ត →

នាល្ងាចថ្ងៃទី២៨ ខែសីហា ឆ្នាំ២០២០ សហភាពសហព័ន្ធយុវជនកម្ពុជា (ស.ស.យ.ក.) បានរៀបចំកម្មវិធីបើកដំណើរការប័ណ្ណសមាជិកភាព និងកម្មវិធី App ស.ស.យ.ក ក្រោមអធិបតីភាព ឯកឧត្តម ហ៊ុន ម៉ានី ប្រធានស.ស.យ.ក. និងដោយមានការចូលរួមពីសំណាក់សមាជិក សមាជិកា គណៈអចិន្ត្រៃយ៍គណៈកម្មាធិការកណ្តាល សមាជិក សមាជិកា គណៈកម្មាធិការកណ្តាល រួមជាមួយនឹងតំណាងស្ថាប័ន និងក្រុមហ៊ុនដែលជាដៃគូសហការ នៅហាងHard Rock Cafe សាខា Exchange Square Phnom Penh។  កម្មវិធីបើកដំណើរការប័ណ្ណសមាជិកភាព និងកម្មវិធី App ស.ស.យ.ក នេះ ត្រូវបានរៀបចំឡើងក្នុងគោលបំណងបង្ហាញប័ណ្ណសមាជិកភាពទម្រង់ថ្មីដែលរចនាយ៉ាងពិសេសប្រកបដោយភាពទាក់ទាញសម្រាប់ផ្តល់ជូនដល់​​​សមាជិក សមាជិកា រួមជាមួយនឹង កម្មវិធី App ស.ស.យ.ក. ដែលនឹងក្លាយជាបណ្តាញទំនាក់ទំនងថ្មីមួយដែលមានមុខងារផ្សេងៗបម្រើអត្ថប្រយោជន៍ដល់សមាជិក សមាជិកា ដែលជាអ្នកប្រើប្រាស់។ អានបន្ត →