|
ព្រឹត្តិការណ៍ «៤០គីឡូម៉ែត្រទៅកាន់ប្រវត្តិសាស្ត្រ» មានគោលបំណងផ្តល់ជាវេទិកាដល់យុវជន ឲ្យចេះរួបរួមគ្នាក្នុងគ្រាលំបាក និងគ្រាសុខសាន្ត ស្វែងយល់ពីកម្រិតសមត្ថភាពរបស់ខ្លួន ក៏ដូចជាកម្រិតនៃការតស៊ូ ភាពអត់ធ្មត់ និងសមត្ថភាពដោះស្រាយបញ្ហាជាក់ស្តែង រួមជាមួយការស្វែងយល់បន្ថែមពីប្រវត្តិសាស្ត្រតាមរយៈការធ្វើដំណើរថ្មើរជើងរួមគ្នានៅលើគន្លងផ្លូវដែលមានចម្ងាយ៤០គីឡូម៉ែត្រ។ មិនត្រឹមតែប៉ុណ្ណោះ ព្រឹត្តិការណ៍នេះ គឺធ្វើឡើងដើម្បីបង្កើតបរិយាកាសស្និតស្នាល និងប្រកបដោយភារតភាព ដែលក្នុងនោះយុវជនទាំងអស់ត្រូវបានលើកទឹកចិត្តអោយមានសកម្មភាពកសាងក្រុម (Team Building) ការដើររួមគ្នា ច្រៀងចម្រៀងរួមគ្នា ការចំអិនអាហាររួមគ្នា ការបោះជំរុំ ការដុតភ្លើងគប់ ការនិទានរឿង និងការបញ្ចេញសមត្ថភាព ទេពកោសល្យផ្ទាល់ខ្លួន ក៏ដូចជាការច្រៀង រាំកម្សាន្តផ្សេងៗ។ ព្រឹត្តិការណ៍នេះ នឹងត្រូវធ្វើឡើងចាប់ពីថ្ងៃទី ២៩ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០១៨ នៅក្នុងបរិវេណ ស្រុកស្នួល ខេត្តក្រចេះដែលតាមគ្រោងទុក សហភាពសហព័ន្ធយុវជនកម្ពុជា រំពឹងថានឹងមានការចូលរួមពីសំណាក់យុវជន និងមហាជនប្រមាណ៥០០នាក់។ ដើម្បីធានាបាននូវការប្រព្រឹត្តទៅដោយរលូននៃព្រឹត្តិការណ៍ អ្នកចូលរួមទាំងអស់នឹងត្រូវបានបែងចែកជាក្រុម ហើយត្រូវធ្វើដំណើរនៅលើដងផ្លូវមួយដែលមានចម្ងាយ ៤០គីឡូម៉ែត្រ(សម្រាប់បុរស) និង ២០ ឬ ៤០គីឡូម៉ែត្រសម្រាប់នារី។ តាមការកំណត់ ដំណើរនេះត្រូវចំណាយអស់ថិរវេលាប្រមាណ ២ថ្ងៃ ១យប់ និង មួយថ្ងៃទៀតសម្រាប់ការបោះជំរំនៅទីតាំងវិមានអនុស្សាវរីយ៍ ២ធ្នូ។ |
|
ការចូលរួម |
ព្រឹត្តិការណ៍នេះនឹងបើកអោយមានការចូលរួមពីគ្រប់មជ្ឍដ្ឋានដែលក្នុងនោះ យុវជន និង មហាជនដែលមានបំណងចូលរួមត្រូវមានអាយុចន្លោះពី ១៨ ទៅ៤៥ឆ្នាំ មានកាយសម្បទារឹងមាំ មានសុខភាពផ្លូវចិត្តប្រក្រតី គោរពតាមបទបញ្ជា ផ្ទៃក្នុងនៃព្រឹត្តិការណ៍ ដោយឆ្លងកាត់ការវិនិច្ឆ័យ និងការសម្ភាសផ្ទាល់មាត់ពីក្រុមការងាររៀបចំ។ បន្ទាប់ពីទទួលបានភាពជោគជ័យ នៃការវិនិច្ឆ័យ និងការសម្ភាសរួចរាល់ អ្នកចូលរួមត្រូវមានឆន្ទៈក្នុងការបង់វិភាគទានចូលរួមដូចតទៅ៖
ប្រាក់កក់ នឹងប្រគល់ជូនអ្នកចូលរួមវិញ ក្រោយចប់កម្មវិធីដរាបណាអ្នកចូលរួមទាំងអស់បានអនុវត្តពេញលេញនូវបទបញ្ជាផ្ទៃក្នុង និងលក្ខន្តិកៈរបស់ព្រឹត្តិការណ៍តាមការព្រមព្រៀងជាមុន។ |
ដើម្បីចូលរួម |
 ដំណាក់កាលទី១៖ បំពេញពាក្យយកមកដាក់នៅនៅស.ស.យ.ក អោយបានមុនថ្ងៃទី៣១ ខែតុលា ឆ្នាំ២០១៨ ដំណាក់កាលទី២៖ ឆ្លងកាត់ការសម្ភាស និងបង់ប្រាក់សម្រាប់ការចូលរួម ដំណាក់កាលទី៣៖ ចូលរួមការហ្វឹកហាត់ជាក្រុមតូចៗ ដំណាក់កាលទី៤៖ ចេញដំណើរសម្រាប់ការដើរ 40km ទៅកាន់ប្រវត្តិសាស្រ្តព័ត៌មានពិស្តារ |
ទំនាក់ទំនង |
សហភាពសហព័ន្ធយុវជនកម្ពុជាស្នាក់ការកណ្តាល ដែលមាន អាសយដ្ឋាន៖ ផ្ទះលេខ២៤ ផ្លូវ២២៨ កែង៥៥ សង្កាត់ចតុមុខ ខណ្ឌដូនពេញ រាជធានីភ្នំពេញ លេខទូរសព្ទ ០១០ ៥៥៥ ៩៨៧ ឬ ០១៥ ២៩ ៣៣ ៩៩ (សម្រាប់ការចូលរួម និង ពាក្យសុំចូលរួម) |
អត្ថបទទាក់ទងនឹងព្រឹត្តិការណ៍៖
»»»» ចង់ដឹងទេថា មាននរណាខ្លះចុះឈ្មោះចូលរួមព្រឹត្ដិការណ៍ 40kmទៅកាន់ប្រវត្ដិសាស្រ្ដ?
»»»» តោះ! ចង់ដឹងទេថា តើអ្នកត្រូវធ្វើដូចម្តេចខ្លះដើម្បី ចូលរួមព្រឹត្តិការណ៍ 40km ទៅកាន់ប្រវត្តិសាស្រ្ត?
»»»» វីដេអូកិច្ចសម្ភាសជុំវិញព្រឹត្តិការណ៍៤០គីឡូម៉ែត្រទៅកាន់ប្រវត្តិសាស្ត្ររបស់ស្ថានីយ៍ទូរទស្សន៍ CNC
